हिमपातले रारा जाने सडकखण्ढ अवरुद्ध

भारी हिमपातले कर्णाली राजमार्गअन्तर्गत गमगढी–नाग्मा खण्ड अवरुद्ध भएको छ । सडक अवरुद्ध हुँदा दर्जन बढी मालवाहक ट्रक, जिप, यात्रुवाहक गाडी बाटोमै अलपत्र परेका छन् । जिल्लाबाट सुर्खेत र नेपालगन्ज जाने र भित्रिने सवारीसाधन बाटोमै अलपत्र परेका हुन् ।

मुगु र जुम्लाको सिमाना घुच्चीलेकमा ३ फिट बढी हिउँ जमेपछि सडक अवरुद्ध भएको रारा–छायानाथ यातायात प्रालिका इन्चार्ज रविनकुमार मल्लले जानकारी दिए । बाक्लो हिउँ नपग्लिँदासम्म सडक खुल्न नसक्ने उनले जनाए ।

उनका अनुसार सुर्खेत र नेपालगन्ज जाने गाडी गमगढी बजारमा रोकिएका छन् । त्यस्तै जिल्ला भित्रिने गाडीहरू साधन गोठिज्युला, नाग्मा, डाबलगायत क्षेत्रमा रोकिएका छन् । खत्याड गाउँपालिका जोड्ने कालाकाडा–गम्था सडक पनि हिमपातले अवरुद्ध भएको छ ।

Comments

comments

अरु समाचार

Copyright © 2018 Ghumphir.com.np
ghumphir.com