नारायणीलाई तटबन्धन गरेर पर्यटन मार्ग बनाइने

0

 

चितवन, मंसिर : नेपाली काँग्रेसका महामन्त्री डा शशांक कोइरालाले वाम गठबन्धनका कारण पनि काँग्रेस बलियो हुन मद्दत पुगेको बताउनुभएको छ ।

नवलपुर जिल्लाको क्षेत्र नं १ मा चुनावी अभियानका क्रममा आज दलदलेमा पत्रकारसँग कुरा गर्दै उहाँले वामपन्थी शक्ति एक भएपछि देशमा साम्यवादी खतरा आउनसक्ने भन्दै गुट उपगुटमा रहेको काँग्रेस र लोकतन्त्रवादी शक्ति संगठित बनेको बताउनुभयो । “काँग्रेसले अबको १० वर्षमा मुलुकलाई कस्तो बनाउने भन्ने खाका तय गरिसकेकाले अब देश सम्मृद्धितर्फ जानेछ”, उहाँले भन्नुभयो ।

पूर्वपश्चिम राजमार्ग हँुदै जाने नवलपुरबाट देशलाई उत्तर र दक्षिणी क्षेत्र जोड्ने सडक सञ्जालका लागि काम अघि बढिसकेको बताउँदै उहाँले नारायणी नदीलाई तटबन्धन गरेर पर्यटन मार्ग बनाइने, अन्तर्राष्ट्रियस्तरको रंगशाला नवलपुरमा निर्माण गरिने, नवलपुर क्षेत्रमा बढी दुर्घटना हुने भएकाले ट्रमा सेन्टर बनाइने लगायत योजना आफ्नो रहेको उहाँले जानकारी दिनुभयो ।

महामन्त्री डा कोइरालाले आफ्ना पिता विश्वेश्वरले आफू प्रधानमन्त्री हँुदा सबै नागरिकको हैसियत आफूसरह बनाउने भनेको स्मरण गर्दै उहाँले समाजवादी चिन्तन बोकेको काँग्रेसले सबै नेपालीको हैसियत उच्च बनाउने जिकिर गर्नुभयो ।

Comments